தனது மகனை 105 கிலோமீட்டர் சைக்கிளில் அழைத்துச் சென்று பத்தாம் வகுப்பு தேர்வு எழுத வைத்த தந்தை!!

மத்திய பிரதேசத்தில் தந்தை ஒருவர் தனது மகனை 105 கி.மீ தூரத்திற்கு சைக்கிளில் அழைத்துச்  சென்று,   சரியான நேரத்தில் பத்தாம் வகுப்பு தேர்வில் கலந்துகொள்ள  செய்திருக்கிறார்.

பொதுப் போக்குவரத்து கிடைக்காததால், இந்த தந்தை தனது மிதிவண்டியில் வைத்து 105 கிலோமீட்டர் பயணம்  செய்துள்ளார், இதனால் அவரது மகன் மத்திய பிரதேசத்தில் 10 ஆம் வகுப்பு துணை வாரிய தேர்வை எழுத முடிந்தது.

ஷோபிராம் என்ற மனிதன் படித்தவர் அல்ல, ஆனால் கல்வியின் மதிப்பைப்  புரிந்து வைத்திருக்கிறார், மேலும் தன் மகன் கடினமாகப் படிக்க வேண்டும், துணைத் தேர்வில் விடுபட்டு ஒரு வருடம் முழுவதும் வீணடிக்கக்கூடாது என்று  விரும்பினார்.

இந்தியாவில் மேற்கு மத்திய பிரதேச மாநிலத்தின் மால்வா பகுதியில் அமைந்துள்ள ஒரு நகரம் தார் .

தற்போது நிலவும் COVID-19  லாக் டவுன் நிலைமை 30 வயதான நபரை பணப் பற்றாக்குறையில் வைத்திருந்ததால், ஷோபிராம் தனது மகனை சைக்கிளை தார் நகரத்திற்கு அழைத்துச் செல்ல முடிவு செய்தார் – 105 கி.மீ தூரத்தில் உள்ள அந்த இடத்திற்கு அழைத்துச் சென்றால்தான் அவரது மகனால் பத்தாம் வகுப்பு தேர்வு எழுத முடியும் என்ற நிலைமை.

 மத்தியப் பிரதேச அரசின் ‘ருக் ஜன நஹின்’ திட்டத்தின் கீழ் துணை வாரிய தேர்வுகள் நடத்தப்படுகின்றன.திட்டத்தின் படி, முதல் முயற்சியில் பாடங்களை தேர்ச்சி பெறாத  மாணவர்கள், மீண்டும் இன்னொரு முறை தேர்வு எழுதலாம். 

ஷோபிராம்,இது பற்றி தெரிவிக்கையில் “நிலவும் கொரோனா வைரஸ் சூழ்நிலை காரணமாக பஸ் உள்ளிட்ட போக்குவரத்து வழிகள் எதுவும் கிடைக்கவில்லை. ஆனால் இந்த வாய்ப்பை நான் தவறவிட்டிருந்தால், என் மகனின் ஒரு வருடம் வீணாகிவிடும். எனவே, அவரை தேர்வுக்கு அழைத்துச் செல்ல  வேண்டும் என்று முடிவு செய்தேன் .

அவர் மேலும், “தவிர, எங்களிடம் பணமோ அல்லது ஒரு மோட்டார் சைக்கிள் கூட இல்லை. யாரும்  எங்களுக்கு உதவுவதில்லை. ஆனால் என் மகனின் வாழ்க்கையை மேம்படுத்துவதற்காக, சைக்கிளில்  சென்று அவரை தார்  நகரத்துக்கு அழைத்து வந்தேன்.”என்றார்.

தந்தை-மகன்  இருவரும்  இரண்டு-மூன்று நாட்களுக்கு தேவையான உணவு பொருட்களை தங்களுடன் எடுத்துச் சென்றனர் “நாங்கள், மனவர் நகரில்  இருந்து திங்கட்கிழமை கிளம்பினோம் பிறகு, செவ்வாய்க்கிழமை காலை பரீட்சை தொடங்குவதற்கு சற்று முன்பு தார் அடைந்தோம்” என்று கூறினார்.

ஷோபிராமின் மகன் ஆஷிஷ் மேலும் கூறுகையில், “நான் 10 ஆம் வகுப்பில் படித்து வருகிறேன், இந்த தேர்வை கண்டிப்பாக எழுத வேண்டும் என்ற நோக்கத்திற்காக எனது தந்தையுடன்  சைக்கிளில் இங்கு வந்தேன். என்றார்”.