கோலமாவு கோகிலா படம் மூலமாக ஹிட்டடித்த இயக்குநர் நெல்சன் திலீப்குமார் இயக்கத்தில் தளபதி விஜய் நடித்து வரும் படம் ‘பீஸ்ட்’. சன் பிக்சர்ஸ் நிறுவனம் தயாரித்து வரும் இப்படத்துக்கு அனிருத் இசையமைப்பாளராகப் பணிபுரிந்து வருகிறார். நாயகியாக பூஜா ஹெக்டே நடித்து வருகிறார். மேலும் வில்லனாக இயக்குநர் செல்வராகவன், யோகி பாபு, விடிவி கணேஷ், லிலிபுட் ஃபரூக்கி, ஷைன் டாம் சாக்கோ, அபர்ணா தாஸ், அன்குர் அஜித் விகால் என எக்கசக்க நட்சத்திர பட்டாளங்கள் நடித்து வருகின்றனர்.
ஜார்ஜியாவில் முதற்கட்ட படப்பிடிப்பு, சென்னையில் 2ம் கட்டம், ரஷ்யாவில் 3ம் கட்டம் என மாறி, மாறி ஷூட்டிங் ஜோராக நடைபெற்று வருகிறது. தற்போது டெல்லியில் படப்பிடிப்பு நடைபெற்று வரும் நிலையில், கோடை விடுமுறை விருந்தாக பீஸ்ட் திரைப்படம் வெளியாகும் என எதிர்பார்க்கப்படுகிறது.
இந்நிலையில் பீஸ்ட் படத்தின் கதை பிரபல ஹாலிவுட் படத்தின் காப்பி என கோலிவுட் வட்டாரத்தில் பேச்சு அடிபடுகிறது. இயக்குநர் சொன்ன கதைக்கு பதிலாக ஹாலிவுட் பட கதை ஒன்றை ரெபரன்ஸிற்காக கொடுத்து, இதே போல் கதையை தயார் செய்யும் படி தளபதியே சொன்னதாக தகவல்கள் வெளியாகியுள்ளன. ஏற்கனவே மெர்சல், பிகில், தெறி என அட்லி அடுத்தடுத்து தளபதியை வைத்து அட்டைக் காப்பியடித்தது போதாது என்று இவரும் அதையே செய்யுறாரே என தளபதி ஃபேன்ஸ் செம்ம கடுப்பில் உள்ளார்களாம்.
Follow @ Daily hunt:செய்தி அலை இணையதளத்தை இங்கே கிளிக் செய்து ஃபாலோ செய்யுங்கள்… செய்திகளை உடனுக்குடன் பெறுங்கள்.