அதிமுக சார்பில் இதுவரை 177 பேர் கொண்ட வேட்பாளர் பட்டியலில் பெண்களுக்கு வெறும் 15 தொகுதிகள் மட்டுமே ஒதுக்கப்பட்டுள்ளது.
சென்னை :
அதிமுக சார்பில் ஏற்கனவே கடந்த வாரம் முதற்கட்ட வேட்பாளர் பட்டியல் முதல்வர், துணை முதல்வர் உள்பட 6 பேர் உள்ளடக்கிய வேட்பாளர் பட்டியல் வெளியிடப்பட்டுள்ளது. இந்த நிலையில், நேற்று அதிமுக சார்பில் 171 பேர் கொண்ட வேட்பாளர் பட்டியல் வெளியிடப்பட்டது.
அதில் இதுவரை 177 கொண்ட அதிமுக வேட்பாளர் பட்டியலில் பெண்களுக்கு 15 தொகுதிகள் மட்டுமே ஒதுக்கப்பட்டுள்ளது வருத்தம் அளிக்கக்கூடிய செயலாக இருக்கிறது. அதிமுக சார்பில் நடைபெற்ற எம்ஜிஆர் பிறந்தநாள் விழா மற்றும் பொதுக்கூட்டங்களில் முதல்வர் எடப்பாடி பழனிச்சாமி, துணை முதல்வர் ஓ.பன்னீர் செல்வம் அதிமுக கட்சி பெண்களுக்கு சமஉரிமை அளிக்கும் கட்சி என்று தெரிவித்தனர்.
மேலும் மறைந்த முதல்வர் ஜெயலலிதா பெண்கள் வாழ்வில் முன்னேற வேண்டும் என்பதற்காக தாலிக்கு தங்கம், கர்ப்பிணி பெண்களுக்கு ஊக்கத்தொகை, ஒரு குடும்பத்தில் இரண்டும் பெண் குழந்தை பிறந்தால் சலுகை என்று ஏராளமான திட்டங்களை வழங்கினார் இந்தநிலையில் தற்போது அதிமுகவில் பெண்களுக்கு உரிமை அளிக்காதது வருத்தமளிக்கிறது.
தற்போது அதிமுக சார்பில் பெண்கள் போட்டியிடும் தொகுதிகள் பின்வருமாறு ;
கோகுல இந்திரா முன்னாள் அமைச்சர் – அண்ணாநகர்
பா.வளர்மதி – ஆலந்தூர்
கணிதா சம்பத் – செய்யூர் (தனி)
மரகதம் குமரவேல் – மதுராந்தகம் (தனி)
பரிதா – குடியாத்தம் (தனி)
ஜோதி பாலகிருஷ்ண ரெட்டி – ஒசூர்
சித்ரா MLA – ஏற்காடு
சரோஜா – ராசிபுரம் (தனி)
பொன் சரஸ்வதி – திருச்செங்கோடு
இந்திராகாந்தி – துறையூர் (தனி)
ஜெயபாரதி – கந்தர்வகோட்டை
லட்சுமி கணேசன் – சிவகாசி
கீர்த்திகா முனியசாமி – முதுகுளத்தூர்
ராஜலெட்சுமி – சங்கரன்கோவில் (தனி)
தேன்மொழி – நிலக்கோட்டை ஆகியோர் போட்டியிடுகின்றனர்.