ரபடா மற்றும் ஸ்டோனிஸின் சிறப்பான பந்து வீச்சால் ஹைதராபாத் அணிக்கு எதிரான இன்றைய 2 வது தகுதி போட்டியில் டெல்லி அணி 17 ரன்கள் வித்தியாசத்தில் வெற்றி பெற்று இறுதி போட்டிக்கு தகுதி பெற்றது.
அபு தாபி:
190 ரன்கள் என்ற இமாலய இலக்குடன் களமிறங்கிய ஹைதராபாத் அணியில் தொடக்க வீரர்களாக டேவிட் வார்னர் மற்றும் பிரியம் கார்க் வந்தனர்.44 ரன்களிலேயே ஹைதராபாத் அணி அடுத்தடுத்து 3 விக்கெட் எடுத்து தடுமாற,அடுத்து வந்த வில்லியம்சன் நிதான ஆட்டத்தை வெளிப்படுத்தி ஹைதராபாத் அணியின் ரன் எண்ணிக்கையை உயர்த்தினார்.பின்னர் களமிறங்கிய ஹோல்டர் 11 ரன்கள் மட்டுமே அடித்து அக்சார் பட்டேல் வீசிய 12 வது ஓவரில் அவுட் ஆகி வெளியேற,சிறப்பாக விளையாடி கொண்டு இருந்த வில்லியம்சன் 35 பந்துகளில் 50 அடித்து அசத்தினார்.அடுத்து வந்த சமத் நோர்கியா வீசிய 15 வது ஓவரில் ஒரு சிக்ஸர்,2 பௌண்டரி அடித்து மிரட்ட,15 ஓவர் முடிவில் ஹைதராபாத் அணி 4 விக்கெட் இழப்பிற்கு 129 எடுத்து இருந்தது.
அடுத்த ஓவர் அஸ்வின் வீசி 10 ரன்கள் விட்டுக்கொடுக்க,ஹைதராபாத் அணிக்கு 24 பந்துகளில் 51 ரன்கள் தேவையாக இருந்தது.ஹைதராபாத் அணியில் ஒரே நம்பிக்கையாய் இருந்த வில்லியம்சன்(67 ரன்கள்,45 பந்துகள்) 17 ஓவர் வீசிய ஸ்டோனிஸ் பந்தில் ஒரு பௌண்டரி அடித்து ரபடாவிடம் கேட்ச் கொடுத்து அவுட் ஆனார். அஸ்வின் வீசிய அடுத்த ஓவரில் புதிதாக வந்த ரஷித் கான் ஒரு பௌண்டரி,ஒரு சிக்ஸர் நொறுக்க,ரபடா வீசிய 19 வது ஓவரில் சமத்(33 ரன்கள்,16 பந்துகள்) ஒரு சிக்ஸர் அடித்து அடுத்த பந்தே கீமோ பாலிடம் கேட்ச் கொடுத்து அவுட் ஆனார்.அதே ஓவரில் ரஷித் கான் மற்றும் கோஸ்வாமி அடுத்தடுத்த பந்துகளில் அவுட் ஆகி வெளியேற,6 பந்துகளில் 22 ரன்கள் ஹைதராபாத் அணிக்கு தேவையாக இருந்தது.கடைசி ஓவர் வீசிய நோர்கியா அந்த ஓவரில் வெறும் 4 ரன்கள் மட்டுமே விட்டுக்கொடுக்க,டெல்லி அணி 17 ரன்கள் வித்தியாசத்தில் வெற்றி பெற்று இறுதி போட்டிக்கு தகுதி பெற்றது.
ஹைதராபாத் அணியில் அதிகபட்சமாக வில்லியம்சன் 67 ரன்கள் எடுத்து இருந்தார்.
டெல்லி அணியில் ரபடா 4 விக்கெட்களும்,ஸ்டோனிஸ் 3 விக்கெட்களும் கைப்பற்றி டெல்லி அணியின் வெற்றிக்கு உறுதுணையாய் இருந்தனர்.
டெல்லி அணியில் பேட்டிங் மற்றும் பௌலிங்கில் கலக்கிய ஸ்டோனிஸ்க்கு ஆட்ட நாயகன் விருது வழங்கப்பட்டது.
இந்த வெற்றியின் மூலம் டெல்லி அணி வெற்றி பெற்று நவம்பர் 10 ம் தேதி மும்பை அணியுடன் இறுதி போட்டியில் நேருக்கு நேர் மோதவுள்ளது.ஐ.பி.எல் தொடர் 2020 யில் இதுவரை டெல்லி அணி மும்பை அணியுடன் 3 போட்டிகளில் விளையாடி 3 ல் தோல்வி பெற்றுள்ளது குறிப்பிடத்தக்கது.