கார்த்தி நடிக்கும் ‘சர்தார்’ படத்தின் மோஷன் போஸ்டர் வெளியீடு..!!

கார்த்தி நடிக்கும் ‘சர்தார்’ படத்தின் மோஷன் போஸ்டர் வெளியிடப்பட்டுள்ளது.

நடிகர் கார்த்தி இயக்குநர் மித்ரன் இயக்கத்தில் உருவாகும் படத்துக்கு ‘சர்தார்’ என டைட்டில் வைக்கப்பட்டுள்ளது.சுல்தான் படத்தின் பணிகளை முடித்த கார்த்தி மணிரத்னம் இயக்கத்தில் உருவாகும் ‘பொன்னியின் செல்வன்’ திரைப்படத்தில் நடித்து வருகிறார். இதற்காக முடி, தாடி என லுக்கில் வித்தியாசம் காட்டியிருந்த கார்த்தி அதே தோற்றத்தில் பி.எஸ்.மித்ரன் இயக்கும் படத்தில் நடிப்பார் என தெரிகிறது. ‘சர்தார்’ என பெயரிடப்பட்ட இத்திரைப்படத்தின் மோஷன் போஸ்டர் வெளியிடப்பட்டுள்ளது. அதில் நரைத்த தாடி, நீண்ட தலைமுடி, சுருங்கிய முகத்துடன் கார்த்தி தோன்றியுள்ளார்.

கார்த்தியின் 22-வது படமாக உருவாகும் இத்திரைப்படத்தை பிரின்ஸ் பிக்சர்ஸ் தயாரிக்கிறது. ஜி.வி.பிரகாஷ் இசையமைக்க, ஜார்ஜ் ஒளிப்பதிவு செய்கிறார். ஆண்டனி எல்.ரூபன் எடிட்டிங் பணிகளை மேற்கொள்கிறார். படத்தின் மோஷன் போஸ்டரைப் பார்த்த சிவகார்த்திகேயன் உள்ளிட்ட திரைபிரபலங்கள் சர்தார் படக்குழுவுக்கு வாழ்த்து தெரிவித்துள்ளனர்.

கார்த்தியின் ட்விட்டர் பக்கத்தில் வெளியாகியுள்ள இந்த டைட்டில் மோஷன் போஸ்டரில் ’சர்தார்’ என்ற டைட்டில் வைக்கப்பட்டுள்ளது. ‘சர்தார்’ படத்தில் நடிகர் கார்த்தி, வயதான கதாபாத்திரத்தில் நடிப்பதுபோல் தெரிகிறது.

Exit mobile version