ரெனாால்ட் நிறுவனத்தின் டஸ்டர் மாடல் காருக்கு ரூ. 1 லட்சம் மதிப்புள்ள சலுகை அறிவிக்கப்பட்டு உள்ளது.
கொரோனா ஊரடங்கு தளர்வுகளைத் தொடர்ந்து, ஆட்டோமொபைல் துறை சற்று மெல்ல மெல்ல இயல்பு நிலைக்கு திரும்ப தொடங்கியுள்ளது. அதேசமயம், வாடிக்கையாளர்களை கவரும் விதமாக ஆட்டோமொபைல் நிறுவனங்கள் பல்வேறு சலுகைகளையும் வழங்கி வருகின்றன. இதனிடையே, அடுத்த 3 மாதம் இந்தியாவில் பண்டிகை மாதங்கள் என்பதால், ஆட்டோமொபைல் நிறுவனங்கள் பல்வேறு அதிரடி சலுகைகளை வழங்க திட்டமிட்டுள்ளன.
அந்த வகையில், ரெனால்ட் நிறுவனம் பண்டிகை காலத்தை முன்னிட்டு தனது வாகனங்களுக்கு தள்ளுபடி, பலன்கள் மற்றும் விசேஷ சலுகைகளை அறிவித்து உள்ளது. ரூ.70 ஆயிரம் வரையிலான சலுகைகள் ரெனால்ட் க்விட், டிரைபர் மற்றும் டஸ்டர் மாடல்களுக்கு ஏற்கனவே அறிவிக்கப்பட்ட நிலையில், தற்போது டஸ்டர் மாடல்களுக்கு மட்டும் ரூ.1 லட்சம் வரையிலான புதிய சலுகை அறிவிக்கப்பட்டு உள்ளது
அக்டோபர் மாதம் முழுவதும் வழங்கப்பட உள்ள இந்த சலுகையை, ரெனால்ட் டஸ்டர் 1.5 லிட்டர் பெட்ரோல் என்ஜின் கொண்ட மாடலுக்கு ரூ. 25 ஆயிரம் தள்ளுபடி, ரூ. 25 எக்சேன்ஜ் சலுகை, ரூ. 20 ஆயிரம் லாயல்டி போனஸ், ரூ. 30 ஆயிரம் கார்ப்பரேட் தள்ளுபடி வழங்கப்படுகிறது.
அதேபோல், ஆர்எக்ஸ்இ வேரியண்ட்டிற்கு ரூ. 50 ஆயிரம் தள்ளுபடி, ரூ. 20 ஆயிரம் லாயல்படி பலன்கள் கிடைக்கிறது. டர்போ பெட்ரோல் வேரியண்ட்டுக்கு ரூ. 20 ஆயிரம் லாயல்டி போனஸ், ரூ. 30 ஆயிரம் கார்ப்பரேட் தள்ளுபடி வழங்கப்படுகிறது.